Hacıqabulda "patı" satanlar saxlanıldı - FOTO

Hacıqabul Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsi ilə məşğul olan şəxslərə qarşı əməliyyatlar keçirilib.

Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, daxil olmuş əməliyyat məlumatları əsasında keçirilən tədbirlər zamanı Müşfiq Gözəlov və Vüqar Süleymanov rayon ərazisində saxlanılıblar. Onların üzərinə keçirilən baxış zamanı psixotrop maddə metamfetamin və marixuana aşkarlanıb.

Faktlarla bağlı Hacıqabul RPŞ-də araşdırmalar davam etdirilir.